Félag eldri borgara í Kópavogi
Mætum og verum virk í félagsstarfinu.

Tvö sæti laus vegna veikinda í Kraká ferðina þ. 3-7.október.

Verð 168.þús á mann. Innifalið flug , 4 stjörnu hótel með morgunverði og fararstjórn. Áhugasamir sendi póst á febk@febk.is

FÉLAGSVIST Í GULLSMÁRA OG GJÁBAKKA

Félagsvist í Gullsmára hefst 7. ágúst eftir sumarfrí. Spilað verður á mánudögum kl. 20 eins og verið hefur. Spilað verður 7., 14. og 21. ágúst. Ekki verður spilað 28. ágúst þar sem allir stjórnendurnir verða fjarverandi á þeim degi.

Í Gjábakka hefur verið spilað í allt sumar á miðvikudögum kl. 13 og föstudögum kl. 20. Þar sem stjórnandinn þar er að fara í sumarfrí verður ekki spilað í Gjábakka á miðvikudögum 9., 16. og 23. ágúst en föstudagsspilin halda sér óbreytt.

Dansleikur í Gullsmára föstudaginn 29. september kl. 20:00. Húsið opnað kl. 19:30. Ari Jónsson og Gunnar Kr. spila fyrir dansi og halda uppi fjörinu. Einstaklega ljúfir og skemmtilegir tónlistarmenn. Miðaverð kr. 2.000. Skráning í félagsmiðstöðvum þegar nær dregur.

Gaman að hittast og dansa og skemmta okkur saman.

Gerast félagsmaður

Félagið er opið öllum sem náð hafa 60 ára aldri.

Ef þú gerist félagi í FEBK færðu:

Afslátt hjá hundruðum verslana og þjónustufyrirtækja
Hagstæð tilboð um ferðalög, innanlands og utan á vegum félagsins
Ókeypis blaðið Listin að lifa, félagsrit Landssambands eldri borgara

Afsláttarbókin
Hægt er að nýta afsláttarbókina til að fá góðan afslátt hjá fjölda fyrirtækja. Í henni er listi yfir hundruðir verslana og þjónustufyrirtækja sem veita félagsmönnum FEBK afslátt.

Félagsgjald FEBK er 4.000 kr. á mann á ári.

Þú getur verið viss um að félagsskírteinið er fljótt að borga upp árgjaldið!

SMELLTU HÉR TIL AÐ SKRÁ ÞIG Í FÉLAGIÐ

Félag eldri borgara í Kópavogi - FEBK