FERÐ TIL GRÆNLANDS MEÐ FERÐASKRIFSTOFU ELDRI BORGARA

Flogið verður með Icelandair í beinu flugi, að þessu sinni frá Keflavíkurflugvelli til Narsarsuaq eða “stóru sléttunnar” sem áður var ein helsta þungamiðja byggðar í eystribyggð Grænlendinga hinna fornu, enda Brattahlíð, bær Eiríks rauða, rétt hjá. Þar stendur í dag bærinn Quassiarsuk. Boðið verður upp á 3ja nátta / 4 daga ferð með hálfs- og heildags skoðunarferðum í nágrenni Eiríksfjarðar. Gist verður á Hotel Narsarsuaq í tveggja manna herbergjum með sér baðhergi á öllum herbergjum. Ferðin takmarkast við 24 farþega. FERÐATILHÖGUN 19. ágúst: Brottför frá Keflavíkurflugvelli kl. 17:30 og lent í Narsarsuaq kl. 18:25 að staðartíma. Ekið að hótelinu þar sem innritun fer fram. Kvöldverður á hótelinu kl 20:00.

20. ágúst: Morgunverður á hóteli og síðan lagt af stað kl. 09:00 í dagsferð til Igaliku, en það er bær með um 50 íbúa og stendur á sama stað og höfuðból og biskupsetur Grænlendinga hinna fornu sem nefnt var Garðar. Siglt er í gegnum Eiríksfjörð frá Narsarsuaq. Hádegissnarl er innifalið í Igaliku. Komið aftur á hótel kl. 17:00. Kvöldverður á (útigrill) í Narsarsuaq með mikilli upplifun.

21. ágúst: Morgunverður á hóteli og síðan lagt af stað kl. 08:30 í dagsferð til Narsaq. Narsaq er bær með um 1500 íbúa og stendur á tanga sem aðskilur Tunnulliarfik fjörð (Eiríksfjörð) og nyrðri Sermilik-fjörð (Bredefjord). Snæddur er hádegisverður á Hótel Narsaq (innifalinn í verði) og siglt þaðan um kl. 15.00 áleiðis inn Ísfjörðinn sem er ólýsanleg upplifun. Qooroq jökullinn er í nálægð við Narsarsuaq þar sem ísjakar fljóta um í firðinum Komið aftur á hótel kl. 17:30. Kvöldverður á hóteli kl. 20:00.

22. ágúst: Morgunverður á hóteli. Eftir morgunverð verður lagt af stað í ferð til Qassiarsuk þar sem áður var bær Eiríks rauða, Brattahlíð. Um 15 mínútur tekur að sigla yfir fjörðinn.

Hádegisverður í Café Thorhildur.

Eftir hádegisverð verður ekið um Narsarsuaq bæinn og minjasafn um veru bandarísku hermannanna frá 1943 skoðað. Ekið á flugvöll og er brottför frá Narsarsuaq kl. 19:10 og lent á Keflavíkurflugvelli kl. 23:35. Verð: Kr. 309.500 á mann m.v. gistingu í tvíbýli. Aukagjald vegna gistingar í eins manns herbergi ca. 35.000 kr.

Við skráningu þarf að greiða 50.000 kr. staðfestingargjald, í síðasta lagi 1. mars n.k.

Einnig er hægt að hringja til Ferðaskrifstofu eldri borgara á skrifstofutíma í síma 783-9300 / 783-930 Innifalið í fargjaldi:

• Flug og flugvallarskattar.

• Gisting á Hótel Narsarsuaq í tveggja manna herbergi með sér baðherbergi

• Morgunverður alla daga og 2ja rétta kvöldverður 2 kvöld, útigrill 1 kvöld

• Allur akstur, dagsferðir og hressing skv. leiðarlýsingu.

Íslensk fararstjórn

ATH. Fólk þarf að geta komist leiða sinna óstutt því alltaf eru einhverjar gönguferðir þótt stuttar séu.